Hab 3 | TpiKJPB | STEP | ¶ Wanpela prea bilong profet Habakak antap long Sigaionot

Habakkuk 3

1 ¶ Wanpela prea bilong profet Habakak antap long Sigaionot 2 O BIKPELA, mi bin harim toktok bilong Yu, na mi pret. O BIKPELA, kirapim gen wok bilong Yu insait long namel bilong ol yia, insait long namel bilong ol yia mekim ol man save. Long belhat tru holim tingting long sori. 3 ¶ God i kam long Timan, na Man Holi i kam long maunten Paran. Sela. Glori bilong Em i karamapim ol heven, na dispela graun i pulap long ol biknem bilong Em. 4 Na lait tru bilong Em i stap olsem lait. Em i gat ol kom i kam ausait long han bilong Em. Na long dispela hap em ples pawa bilong Em i hait. 5 Sik nogut i go pas long Em, na ol sakol i kuk i stap i go ausait klostu long tupela lek bilong Em. 6 Em i sanap, na mitaim dispela graun. Em i lukim, na ranim i go long ol hap ol kantri. Na ol maunten bilong oltaim oltaim i bruk nabaut, ol liklik maunten i no inap pinis i bin lindaun. Ol rot bilong Em em i bilong oltaim oltaim. 7 Mi lukim ol haus sel bilong Kusan i kisim hevi. Na ol laplap bilong windo bilong hap bilong Midian i bin guria. 8 Ating BIKPELA i no amamas i birua long ol riva? Ating belhat bilong Yu i birua long ol riva? Ating belhat tru bilong Yu i birua long biksi, inap long Yu bin ran antap long ol hos bilong Yu na ol karis bilong kisim bek bilong Yu? 9 Yu mekim banara bilong Yu i stap skin nating tru, bilong bihainim ol strongpela promis bilong ol lain, yes, tok bilong Yu. Sela. Yu bin brukim dispela graun wantaim ol riva. 10 Ol maunten i lukim Yu, na ol i guria. Wara i kapsait i ran klostu. Ples dip i toktok wantaim nek bilong em, na litimapim tupela han bilong em antap tru. 11 San na mun i sanap i stap long ples bilong ol. Long lait bilong ol bikpela spia bilong Yu ol i go, na long lait bilong spia bilong tromoi bilong Yu i lait lait nabaut. 12 Yu bin mas i go namel long dispela hap wantaim bel nogut, Yu bin paitim ol haiden long belhat bilong Yu. 13 Yu bin go ausait bilong kisim bek ol manmeri bilong Yu, yes, bilong kisim bek wantaim man Yu makim. Yu bagarapim dispela het ausait long hauslain bilong man nogut, taim Yu soim ples klia ol as ston i go inap long nek. Sela. 14 Yu bin paitim i go namel het bilong ol vilis bilong em wantaim ol stik bilong pait bilong em. Ol i kam ausait olsem wanpela raunwin bilong brukim mi i go nabaut. Pasin bilong wokim amamas tru bilong ol em i olsem bilong kaikai olgeta ol rabisman hait. 15 Yu bin wokabaut namel long biksi wantaim ol hos bilong Yu, namel long hip bilong ol bikpela wara. 16 ¶ Taim mi harim, bel bilong mi i guria. Tupela lip bilong mi i guria long nek bilong Yu. Sting i go insait long ol bun bilong mi, na mi guria insait long mi yet, inap long mi ken malolo long de bilong trabel. Taim Em i kam antap i go long ol manmeri, Em bai go insait long hap bilong ol wantaim ol liklik ami bilong Em. 17 Maski diwai fik bai i no inap putim plaua, na tu prut i no stap long ol rop wain, hatwok bilong oliv bai fel, na ol bikpela gaden bai i no inap long givim kaikai, lain sipsip bai ol i rausim long haus sipsip, na bai i no gat lain bulmakau insait long ol rum bilong animal. 18 Yet mi bai wokim amamas tru insait long BIKPELA. Mi bai amamas tru insait long God bilong kisim bek bilong mi. 19 GOD Bikpela em i strong bilong mi, na Em bai mekim tupela lek bilong mi olsem ol lek bilong ol hain, na Em bai mekim mi long wokabaut antap long ol ples antap bilong mi. I go long ol nambawan man bilong singim song antap long ol samting bilong mi bilong wokim musik i gat ol string.